Oko 350 mladih na Crvenom trgu ( Piazza Rossa) u švajcarskom S. Gallenu sinoć su se sukobili sa policijom, koja je koristila i gumene metke da bi rastjerala ovaj neprijavljeni skup.
Uhapšeno je dvadesetak učesnika skupa, a ima i nekoliko ranjenih.
Iako je u vrijeme pandemije zabranjeno okupljanje više od deset osoba, grupa od stotinjak mladih je, prije skupa na Crvenom trgu, zakazala feštu uz roštilj i muziku. Nakon intervencije policije, putem socijalnih mreža dogovorili su protestni skup u centru grada, kome se odazvalo oko 350 mladih i koji se pretvorio u tuču sa policijom, pri čemu su mladi koristili Molotovljeve koktele, a policija gumene metke i prekomjernu silu.
Zlatko Hodžić
(Specijalno za portal NovaSloboda iz Švajcarske)
